2022 сыл кулун тутар 1 күнүттэн киинэ тыйаатырдарын үлэлэригэр кэккэ уларыйыылар киириэхтэрэ. Тустаах ураахха дойду премьера Михаил Мишустин илии баттаата.
Саҥа быраабыланан киинэ саалатыгар көстөр реклама, трейлердар уһуннарын эрдэттэн сэрэтэр буолуохтара. Ити дьон киинэҕэ хойутаабакка кэлэрин хааччыйыа.
Итини таһынан, көрөөччүлэр киинэ экранын кэтитин, тыас форматын, проектор, тифлокомментарий көрүҥнэрин туһунан билэр кыахтаныахтара. Киинэ тыйаатырдара тифлокомментарий баарын-суоҕун, мөлтөхтүк көрөр, истибэт дьоҥҥо субтитрдаах киинэлэр тустарынан биллэрэр буолуохтара.
Киинэ тыйаатырдара саалаҕа лазернай указканы, пиротехниканы, хатан сыттаах веществоны илдьэ киирэри бобор кыахтаныахтара.
This post was published on 19.08.2021 15:02 15:02