Бары регистрацияламмыт хандьыдааттар быыбарга киирсиэхтэрэ, билигин сокуонунан кими да устар кыахпыт суох, диэн иһитиннэрдэ Киин быыбардыыр хамыыһыйа баһылыга Элла Памфилова кулун тутар 10 күнүгэр НТВ биэриитигэр.
“Бюллетеҥҥэ киирбит аҕыс хандьыдаат түмүктүүр түһүмэххэ түһүнүөхтэрэ”, — Интерфакс Элла Памфилова этиитин цитаталыыр.
Кини билигин кими даҕаны уһулар кыахтара суоҕун туһунан эттэ. “Маннык кыах баара, өскөтүн кулун тутар 9 күнүгэр диэри хандьыдааттартан хайалара эмэ бэйэтин утарылаһааччыларын суукка биэрбитэ буоллар. Оччоҕуна суут дьыаланы быыбар буолуо биэс хонук иннинэ көрүө этэ”, — диэтэ хамыыһыйа баһылыга.
This post was published on 11.03.2018 14:34 14:34