19 От ыйа 19.07
  • 23°
  • $ 87,88
  • 96,1

Киһи олоҕун быспыт эһэни суох гыннылар

15:07, 14 сентября 2016
Текст:
Читайте нас на
Яндекс Новости
ЯДВ

Бүгүн Сунтаар уонна Мииринэй улуустарын икки ардыларыгар эһэ геологы туппутун туһунан дьулаан сурах тарҕанна. Айылҕа харыстабылын министиэристибэтигэр сип-сибилигин биллибитинэн, киһини өлөрбүт эһэни суох гыммыттар.


Бүгүн күнүс 13:00 чааска «Госохотохрана» охотоведа Алексей Семенов эһэни ытта. Быһылаан тула чинчийии бара турар. АЛРОСА АК үлэһитин өлүгэ быһылаан буолбут, эһэни ытыалаабыт сиргэ баара.

Силиэстийэлиир кэмитиэт быһаарбытынан, балаҕан ыйын 12 күнүгэр киэһэ 23:00 саҕана «Хампалаах-2» учаастак таһыгар бу киһи таһырдьа тахсыбыт. Сотору буолан баран бииргэ үлэлиир дьоно кини хаһыытын истибиттэр. Онно тиийэн кини таҥаһын лоскуйдарын уонна этин сорох чааһын булбуттар.

Балаҕан ыйын 14 күнүгэр ол сиртэн 200 м тэйиччи сиргэ көмүллүбүт өлүк көстүбүт.

Быһылааҥҥа Мииринэйдээҕи силиэстийэлиир отдел бэрэбиэркэ үлэтин ыытар. Ону таһынан адьырҕа кыыл куртаҕын, оһоҕоһун чинчийиэхтэрэ. Процессуальнай быһаарыы ылыллыаҕа.

Следите за самым важным и интересным в Telegram-канале и WhatsApp-группе ЯСИА