PepsiCo утахтарын Арассыыйаҕа атыытын тохтоторун туһунан истэн баран, KFC түргэн аһылык рестораннарын ситимигэр «Черноголовка» Арассыыйатааҕы оҥорон таһаараччы лимонадын менютугар эбэн биэрдэ, диэн РИА Новости суруйар.
Хампаанньа саайтыгар үгэс буолбут Pepsico бренд утахтара: 7Up, 7Up Мохито, Pepsi, Mirinda суохтар, аттыларыгар «кэлин баар буолуоҕа» диэн суруктаах. Ол оннугар менюга «Черноголовка» Арассыыйа оҥорон таһаарааччытын: «Кола», «Дюшес», «Байкал», утахтара, лимонадтар бааллар.
Кулун тутар саҕатыгар PepsiCo Арассыыйаҕа рекламаланан уонна атыыланан бүтэрин туһунан иһитиннэрбитэ, ону сэргэ, хампаанньа үлэһиттэрэ кутталлаах быһыыга майгыга түбэспэттэрин туһугар Украинаҕа эмиэ үлэтин тохтоторун бэлиэтэбитэ. Санатан эттэххэ, PepsiCo Pepsi, 7up, Mirinda, Diet Pepsi, Tropicana, Lay’s, Cheetos, Doritos брендтары бас билэр.
