13 От ыйа 13.07
  • 31°
  • $ 87,74
  • 95,76

«Кэнчээри»: үйэ аҥаардаах үбүлүөйдээх кэнсиэрбитин туруорарга көмөлөспүт дьоҥҥо махтанабыт

Фото предоставлено автором.
Читайте нас на
Яндекс Новости
ЯДВ

Егор Валерьевич Иванов салайааччылаах «Айар Кут» холбоһук салалтата, Николай Павлович Петров салайааччылаах Саха национальнай оркестрын артыыстара былырыыҥҥыттан тэрийиилэринэн  сүүрбэччэ ырыабытын үҥкүүбүтүн оркестрдаан,  тыыннаах доҕуһуолунан оонньоон, хаһан да буолбатах үрдүк таһымнаахтык кэнсиэр Опера, балет тыйаатырыгар буолан ааста.

Кэнсиэргэ аатырбыт Найахы, Бороҕон, Танда хордара, «Кэнчээри» ансаамбыл бары көлүөнэ хорун, үҥкүүтүн бөлөхтөрө, билиҥҥи оҕолоро, СӨ үтүөлээх артыыстара, биллиилээх ырыаһыттар, ВИА бөлөҕө, уопсайа 200-тэн тахса киһи экран, уот-күөс күүһүнэн киэргэтиллэн, «Саха» НКИХ талааннаах ыытааччыта Георгий Белоусов, «Кэнчээри» биир чаҕылхай ырыаһыта Анастасия Реброва-Неустроева салайыыларынан биир тыынынан барда. Үгүс элбэх биһирэбил, хайҕал тылларын ыллыбыт.

Саха оҕотун академическай ырыатын төрүттээбит «Кэнчээри» ансаамбыл «Лоокуут уонна Ньургуһун» саха оператын хоруттан, нуучча классикатыттан Алябьев «Соловейын», аан дойду классиката Дж. Каччини «Аве Мариятын», саха оҕолоруттан аан бастаан Арассыыйа Саха сирин устуоруйатыгар аан бастаан Христос Храмыгар, Казанскай Кафедральнай Соборга ыллаабыт церковнай классиканы үрдүк таһымнаахтык толорон, көрөөччүлэри сөхтөрөн, оҕолорго  олохтообут академическай ырыам оскуолатын үтүө түмүгэ көстүбүтүттэн астынным. Ону таһынан уонча сылы быһа дойду кылаабынай ырыатын толорууга Гран-при буолан кэлбит ансаамбыл РФ, СӨ, Уус Алдан улууһун, «Азия оҕолорун» гимнэрин үрдүк таһымнаахтык толорон, дьон-сэргэ биһирэбилин ыллыбыт. Саха сиригэр оҕо бастакы «Ньургун Боотур» оператыттан «Туйаарыма Куо» ариятын операм бастакы Туйаарымата Сардаана Бочкарева, бастакы Ньургун Боотурум Афоня Олесов, хор, үҥкүү, опера түмүк хорун үҥкүүлээх толорон, дохсун ытыс тыаһынан наҕараадаланан, саха оҕото операны толорор кыахтааҕын өссө төгүл көрдөрдүбүт. Василий Готовцев, Иннокентий Сивцев салайар ВИА-лара театр фойетыгар толорон биһирэннилэр. Элбэх ырыа ылланна, үҥкүү үҥкүүлэннэ.

Режиссербытыгар Егор Валерьевичка, дирижер Николай Павловичка оркестр бары артыыстарыгар, кэнсиэри видеоҕа, хаартыскаҕа, аудиоҕа устубут «Айар Кут» үлэһиттэригэр, Найахы, Бороҕон, Танда хордарыгар, тэрээһиҥҥэ көмөлөспүт улуус салалтатыгар, култуура управлениетыгар, чуолаан Лена Семеновна Павлова5а, бары кыттыыны ылбыт оҕолорбор барҕа махталбын тиэрдэбин.

 Василий Парников, «Кэнчээри» Россия үтүөлээх, образцовай оҕо ырыа-үҥкүү норуодунай ансаамбылын салайааччыта, РСФСР уонна САССР култууратын үтүөлээх үлэһитэ, Учууталлар учууталлара

Следите за самым важным и интересным в Telegram-канале и WhatsApp-группе ЯСИА