2022 сылга Кэмпэндээйитээҕи туус хампаанньата 1800 туонна тууһу оҥорон таһаарар былааннаах. Ол туһунан дириэктэр Алексей Игнатьев «Сунтаар сонуннара» хаһыакка кэпсээтэ.
«Бэс ыйын 1 күнүттэн тууһу атыыга батарыы саҥа сезона арыллар. Үлэҕэ барыта 30-40 киһи уонна 5-6 техника кыттыаҕа. Быйылгы былааммыт — 1800 туонна», — диэтэ Алексей Игнатьев.
Кини кэпсээбитинэн, билигин туус бассейнын бэлэмнииллэр.
Аска туттуллар тууһу оҥорон таһаарыынан уонна фасовкалааһынынан ТОР «Якутия» саҥа резиденэ дьарыктаныаҕа.
