Сунтаар улууһун Кэмпэндээйитигэр «Сир уустара» өрөспүүбүлүкэтээҕи үөрэтэр-чэбдигирдэр киин арылынна. СӨ үөрэххэ уонна наукаҕа министиэристибэ «Юные якутяне» ресурснай киинин иһинэн тэрилиннэ. Манна регион оҕолоро доруобуйаларын тупсарыныахтара, түөрт хайысханан билиилэрин чиҥэтиэхтэрэ.
Киин Г.Е. Чолбодуков аатынан грязелечебница баазатыгар тэрилиннэ. «Юные якутяне» киин дириэктэрэ Варвара Васильева бэлиэтээбитинэн, манна оҕолор естественнай-научнай, политехническай, туризм-кыраайы үөрэтии уонна «креативное творчество» хайысхаларынан үөрэниэхтэрэ.
Бастакы сменаҕа олохтоох оҕолор дьарыктаныыны саҕалаатылар. Кинилэр «Робототехника», «Удивительная Якутия», «Современные танцы» уонна «Englishmate» бырагыраамаларынан үөрэнэллэр. Тохсунньуттан атын улуустартан кэлиэхтэрэ.
Кэлэр сылга 40 миэстэлээх спальнай корпус тутуллара былааннанар. Маны сэргэ смарт-бибилэтиэкэ, улахан аактабай саала уонна комплекс элеменнэрэ тутуллуохтара.
This post was published on 21.12.2020 12:01 12:01