18 От ыйа 18.07
  • 17°
  • $ 88,09
  • 96,3

Кэмпэндээйи тууһа улуустар бэлэмнээбит отторун харайалларыгар көмөлөһүөҕэ

Читайте нас на
Яндекс Новости
ЯДВ

Сүөһү аһылыгын бэлэмнээһиҥҥэ ылыллыбыт былааны толорууга өрөспүүбүлүкэ бырабыыталыстыбата тэрээһин миэрэлэри ылар. Ол курдук, улуустарга эбии мобильнай биригээдэлэри от үлэтигэр ыытыахтара, хоту оройуоннарга концентрированнай аһылыгы тиэрдэргэ тырааныспар ороскуотун сорох чааһын толуйуохтара.


«Өймөкөөн, Эбээн-Бытантаай улуустарыгар атырдьах ыйын 1 күнүгэр диэри устудьуоннар тутар этэрээттэрэ тиийиэҕэ. Кинилэр от үлэтигэр көмөлөһүөхтэрэ. Мобильнай биригээдэлэри тэрийиэхпит, кинилэр ыраах, суола-ииһэ суох сирдэргэ оттуу барыахтара», — диэн суруналыыстарга бастакы вице-премьер — тыа хаһаайыстыбатын, ас-үөл политикатын миниистирэ Петр Алексеев эттэ.

Оттооһуҥҥа мэһэйи үөскэппит күн-дьыл туругуттан сылтаан улуустары тууһунан хааччыйар туһунан быһаарыы ылылынна. Туус бэлэмнэммит оту харайарга туттуллуоҕа. «Бу бэйэбит сирбит-уоппут Сунтаар Кэмпэндээйитин тууһа. Тууһу сиилэһи бэлэмнииргэ, оту кэбиһэргэ куруук тутталлара”, — диэтэ Петр Алексеев.

Бастакы вице-премьер этэринэн, хоту уонна Арктика сорох улуустарыгар сүөһүнү, сылгыны кыстатарга тыҥааһыннаах быһыы-майгы үөскүөҕэ номнуо биллэр. «Ол иһин, улуустар бэйэлэрэ атыылаһар концентрированнай аһылыктарын өрүс тырааныспарынан тиэрдии ороскуотун сорох чааһын субсидиялааһын боппуруоһа сытыытык турар. Маныаха рефрижератордары туттуохпут, күһүн бу тиэхиньикэ хоту улуустарга оҕуруот аһын тиэрдиэҕэ. Ити чуолаан Абый, Аллараа Халыма, Үөһээ Дьааҥы улуустарыгар сыһыаннаах», — диэтэ кини.

Оттооһуҥҥа үчүгэй көрдөрүүнү ситиспит муниципальнай тэриллиилэр куонкурус түмүгүнэн тиэхиньикэнэн хааччыллыахтара.

Күн-дьыл туруга буоларын курдук, оттооһуҥҥа улаханнык дьайда. От ыйын 25 күнүнээҕи туругунан 12 тыһ.тонна оту бэлэмнээтилэр. Ити былаан 2,6%.

Тыа хаһаайыстыбатын, ас-үөл политикатын министиэристибэтин дааннайдарыгар көстөрүнэн, бүгүҥҥү туругунан 3,6 тыһ. тиэхиньикэ, 12 тыһ. тахса киһи от үлэтигэр сылдьар. 2016 сылга оттооһуҥҥа былаан 493 тыһ.тонна, 13 тыһ.тонна сиилэс уонна 14,9 тыһ.тонна сенаж.

Следите за самым важным и интересным в Telegram-канале и WhatsApp-группе ЯСИА