Кэбээйи нэһилиэгэр улуустааҕы кыраайы уөрэтэр мусуойга Итэҕэл Сүбэ түмээччилэрэ сырыттылар. Улуус баһылыгын бастакы солбуйааччыта Александр Сивцев ыалдьыттарга туһаайан ыччат кута-сүрэ бөҕөргүүрүгэр, инникигэ эрэллээх, түмсүүлээх буоларыгар ыытар үлэлэригэр сүгүрүйэрин биллэрдэ.
Кэбээйитээҕи түмэл салайааччыта Итэҕэл Сүбэлэргэ улуус устуоруйатын, үөрэхтээһин, бырамыысыланнас сайдыытын, киэн туттар дьонун билиһиннэрдэ. Онтон Руфина Владимировна Сметанина оройуонолохтоохторун төрүт култуураларын, сиэрдэрин-туомнарын, тыллларын-өстөрүн, дьарыктарын сэһэргээтэ.
«Биир дойдулаахпыт буойун-поэт Т.Е. Сметанин балаҕаныгар суруйааччы олоҕо, айар үлэтэ сырдатылынна. Норуот маастара Елизавета Софронеева ыҥырыытынан кэлбит ыалдьыттарбыт Итэҕэл Сүбэ тэрийээччилэр Алгыстаах Апанаас уола Афанасий Друзьянов, Павел Валерьевич – Ойуур Байбал уонна да атыттар биһиги дойдубутун истэн-көрөн дуоһуйдулар, сэргээтилэр«, — диэн суруйда Венера Лугинова https://www.instagram.com/dabaanmedia/.
This post was published on 01.03.2021 14:01 14:01