2024 сылга сайын «Азия оҕолоро» спортивнай оонньуулар Дьокуускайга буолаллар. Тэрээһин биир бастыҥнарынан буолара күүтүллэр.
Саха сирэ, норуоттар ардыларынааҕы турниры төрүттээччи быһыытынан, куруук истиҥник көрсөр уонна күрэхтэһии атын тыыннаах ыытыллар. Ол туһунан СИА-ҕа Казахстан сүүмэрдэммит хамаандатын салайааччы Малик Сапашев эттэ.
«Кэлэр оонньуулар Саха сиригэр буолаллар. 2024 сылга. Сайыҥҥы күрэхтэһиилэр киэҥ хабааннаах буолаллар, элбэх спорт көрүҥэ хабыллар. Биһиги билиҥҥиттэн бэлэмнэниэхпит. Илин-кэлин киирсиигэ дойдубутун көрдөрөр курдук. Владимир Максимов тэрийэр хамаандатыгар ситиһиини баҕарабын.
Үрдүк таһымнаахтык ыытыллаллар, сорох сирдэринэн юношескай Олимпийскай оонньууларга тэҥнээхтэр — ыалдьыттарга, кыттааччыларга анаан оҥоһуллубут сервис. Күрэхтэһии өссө тупсарыллан, кэлэр сылга Дьокуускайга «Азия оҕолорун» бастыҥ күрэхтэһиитэ буоларыгар эрэнэбит», — диэтэ Малик Сапашев.
This post was published on 06.03.2023 14:01 14:01