СӨ экологияҕа министиэристибэтин бары территориальнай салааларыгар уу көтөрдөрүн, бөрөлөрү, атыыр кустары, туундара дьиикэй табаларын уонна хагдаҥ эһэни бултуурга көҥүлү ыларга сайабылыанньалары салгыы тутар, «Саха сирэ» хаhыат сайта иһитиннэрэр.
Бу туһунан Саха сирин олохтоохторугар СӨ экологияҕа министиэристибэтэ иһитиннэрэр. Сайабылыанньалары судаарыстыбаннай уонна муниципальнай өҥөлөр порталларын нөҥүө электроннай сайаапка быһыытынан маннык сигэнэн биэриэххитин сөп (РПГУ) (күн аайы).
Судаарыстыбаннай экологическай кэтээн көрүү иниспиэксийэтигэр уонна кэмитиэтигэр – оптуорунньукка сирэй көрсөн; «Мои Документы» офистарыгар күн ахсын. Өҥөнү оҥорор болдьох 5 үлэ күнүгэр диэри.
Ирдэнэр докумуоннар:
— булт билиэтэ
— пошлина төлөбүрүн квитанцията.
Электроннай сайабылыанньаны толоруу инструкциятын бу сигэнэн билсиэххитин сөп.
Булт болдьоҕун күннэрин маннык сигэнэн көрүөххүтүн сөп.
Оттон Дьокуускай куоракка бултааһыҥҥа көҥүл маннык аадырыстарынан бэриллэр:
— көтөр кынаттаахха уонна түүлээх кыылларга – 202 мкр., 18/2 куорпус, 2 этээс (Дьокуускайдааҕы судаарыстыбаннай экологическай кэтээн көрүү кэмитиэтэ), Курашов уулуссатын 30/1, 3 этээс, 308 каб.
— туйахтаах кыылларга, хагдаҥ эһэҕэ – Курашов уулуссатын 30/1, 2 этээс, 206, 209 каб. (СӨ экологиятын министиэристибэтин Булка департаменыгар).
