Бырабыыталыстыба отчуота Бүлүү улууһун Өкүндүтүгэр буолла. Манна кулууп дьиэтин тутуу боппуруоһа ханнык түһүмэххэ кэлбитин чуолкайдастылар.
Нэһилиэк олохтооҕо Клавдия Поскачина уонна кулууп дириэктэрэ Мотрена Сивцева саҥа кулууп дьиэтин тутууну этиннилэр. Эргэ дьиэ саахалланар туруктаах, онон нэһилиэк тэрээһиннэрин спорт саалатыгар ыытарга күһэллэллэрин эттилэр.
Улуус дьаһалтата боппуруоһу салалтаҕа туруорсар. Отчуокка этиллибитинэн, саҥа эбийиэги тутуу бу саастан саҕаланыахтаах.
Бырабыыталыстыба бөлөҕүн тыа хаһаайыстыбатын миниистирэ Артем Александров салайар.
This post was published on 08.02.2024 13:02 13:02