29 Кулун тутар 29.03
  • -11°
  • $ 92,26
  • 99,71

«Күүлэт» кээпэрэтиип хотон туттар баҕалаах

17:01, 22 июня 2021
Текст:
Читайте нас на
Яндекс Новости
ЯДВ

Бүлүү улууһугар сүөһү сайылыктарга көһөн, үлэ-хамнас биир кэм бара турар. Сайыҥҥы ыйдарга өлгөм үүтү ыан, былааны-сорудаҕы толорорго дьулуһуу куруутун бастакы миэстэҕэ турар.


Бүлүү улууһун «Күүлэт» ПК салайааччыта Елена Петровна Тутукарова сайылыгын маннык кэпсээтэ:

— Быйыл сайылыкпытыгар этэҥҥэ көһөн үлэ бара турар. Икки субай сайылыктаахпыт. «Чачаҥда» сайылыгар 220 ынах ыанар. Быйыл мэччирэҥ таһааран, хаһааҥҥытааҕар да элбэх үүтү ыан эрэбит. Билиҥҥи туругунан, күҥҥэ 2,5 тоннаттан тахса үрүҥ илгэни ыла олоробут.

Дьоодун диэн сүрүн ходуһабытыгар отчуттарга анаан Иванов Анатолий Иванович биригээдэтэ дьиэ тутар. Икки бааһынабытыгар 50 га эбиэс, горох ыспыппыт. Билигин бааһына хаалбыт сирдэригэр кэҥэтии үлэтэ барар. Сайылыкпытыгар күрүө-хаһаа тутуута салҕанар.

Быйыл 1100 тн оту бэлэмниир уонна 300 тн күөх маассаны угар былааннаахпыт. Оттуур сирбит үрдүк өттүн аһыҥа буулуур, оттон намыһах өттө ууга сытар. Мелиорация үлэтэ барбатаҕа ыраатан ходуһалар биллэ мөлтөөтүлэр.

Кини, төһө да үп-харчы кырыымчыгын иһин, субай хотонун туттар былааннааҕын, онуоха улуус салалтата көмө буолуо диэн эрэл санаалааҕын эттэ, суруйда Николай Федоров, олохсуола.рф

Следите за самым важным и интересным в Telegram-канале и WhatsApp-группе ЯСИА