«Кыайыы 50 сыла» спорт дыбарыаһыгар алтынньы 25 күнүгэр эр дьоҥҥо көҥүл тустууга Дьокуускай аһаҕас чемпионата буолуоҕа. Күрэхтэһиигэ өрөспүүбүлүкэ сүүмэрдэммит хамаандатын лидердэрэ кыттыахтара, диэн ЯСИА иһитиннэрэр.
Дьокуускай чемпионата Россия физкультураҕа уонна спорка үтүөлээх үлэһитэ, Саха сирин үтүөлээх тренерэ Валерий Керемясов аатыгар ыытыллар.
Күрэхтэһии аһаҕас киэптээх, онон өрөспүүбүлүкэ бары оройуоннарыттан бөҕөстөр кыттыахтарын сөп. Үгэс курдук старт Дмитрий Коркин аатынан норуоттар икки ардыларынааҕы турнир иннинэ Саха сирин сүүмэрдэммит хамаандатыгар бэлэмнэнии түһүмэхтэриттэн биирдэстэрэ буолар.
Барыллаан Дьокуускай чемпионатыгар хамаанда лидердэрэ Яков Павлов, Айсен Потапов, Никита Хабаров, Никита Софронов уо.д. а. кытталлара биллэр.
Күрэхтэһии алтынньы 25 күнүгэр сарсыарда 10 чаастан саҕаланар. Кыттааччылар биир күн иһигэр 57, 61, 65, 70, 74, 79, 86 киилэҕэ диэри уонна 86 киилэттэн тахса саамай күүстээхтэри быһаарсыахтара
