Өймөкөөн улууһун тэрилтэлэрэ ааспыт нэдиэлэҕэ сирдэрин-уоттарын ыраастаатылар. Санитарнай ыраастаныы икки ыйын тухары хас бээтинсэ аайы субуотунньуктар тэриллэллэр.
“Өймөкөөн улууһа (оройуона)” МТ дьаһалтатын баһылыгын 2021 с. муус устар 16 күнүнээҕи 51 №-дээх Уурааҕар олоҕуран, нэһилиэнньэлээх пууннарга санитарнай ыраастааһын икки ыйа салҕанан барар.
“Өймөкөөн Тымныы Оройо” МТ дьаһалтатын баһылыгын солбуйааччы Лия Старкова иһитиннэрбитинэн, тэрилтэлэр ааспыт нэдиэлэҕэ бээтинсэ күн сирдэрин-уоттарын ыраастаатылар. Санитарнай ыраастаныы икки ыйын тухары хас бээтинсэ аайы субуотунньуктар тэриллэллэр. Оҕолор эмиэ бу дьыалаттан туора турбатылар, тренердэрин кытта спорсаала таһын ыраастаатылар.
— Нэһилиэкпитигэр уулуссаларбытын уонна ким да бас билбэт сирдэрин ыраастыырга ордук болҕомто ууруллар, — диир Лия Николаевна. – Мунньуллубут бөҕү-сыыһы олохтоох дьаһалта тыраахтарынан нэдиэлэ аайы сыбаалкаҕа таһааран иһиэхтэрэ.
This post was published on 20.05.2021 14:01 14:01