24 Тохсунньу 24.01
  • -48°
  • $ 73,82
  • 83,32

Өймөкөөн Төрүтүгэр уот линияларын мас остуолбаларын анкерга уларыттылар

09:18, 12 апреля 2018
Текст:

Төрүт нэһилиэгин олохтоохторо сайын аайы Элги өрүһүнэн ааһар 60-c сылларга туруоруллубут электрическай уот линияларын мас остуолбалара уу улааттаҕына сууллан хааллалларыттан, уоттара субу-субу баран эрэйи көрөллөрө.

Ол кыһалҕалара сырдык Пасха күн дьэ быһаарылынна. Хас да сылы быһа улуус муниципалитетын баһылыга Михаил Захаров уонна нэһилиэк дьаһалтатын баһылыга Семен Босиков араас үрдүкү инстанцияларга туруорсан, «Быйыттаах-Төрүт» туһаайыынан үрдүк күүрүүлээх электролиния ВЛ 6 кВ уонна ВЛ 0,4 кВ анкернай остуолбаларын үлэҕэ киллэрии үөрүүлээх тэрээһинэ буолла.

«Теплоэнергосервис» акционернай тэрилтэ 2015-2017 сылларга ыытыллар инвестиция бырагырааматынан «Быйыттаах-Төрүт» туһаайыынан эргэ остуолбалары уларытыыга 65,12 мөл. солк. көрбүт. Элги өрүс үрдүнэн ааһар үрдүк күүрүүлээх электролиниянан хааччыйар остуолбалары туруорууу үлэтэ олус уустук үлэтэ быйыл кыһын ахсынньы тымныыта ааҥнаан турдаҕына оҥоһуллубут. Онон олохтоохтор биир улахан кыһалҕалара быһаарыллан үөрүүлэрэ муҥура суох.

Аны төрүттэр Силирикээн сиһинэн айанныыр айан суоллара оҥоһуллан түмүктэннэрин уонна сууллара чугаһаабыт хочуолунайдара саҥардылларын эрэнэ кэтэһэллэр.

Елена Потоцкая, «Саха сирэ» хаһыат, edersaas.ru

Хаартыска — батсааптан.

0

0
0
0
24 января 24.01
  • -48°
  • $ 73,82
  • 83,32