«Теплоэнергосервис» тэрилтэ «Полюс» хочуолунайы Өймөкөөн улууһун Биэрэк Үрдэ сэлиэнньэтигэр үлэҕэ киллэрдэ. Ол туһунан тэрилтэ пресс-сулууспата суруйда.
Хочуолунай күүһэ 3,23 Гкал/ч. Саҥа эбийиэк сэттэ муниципальнай тэрилтэни уонна 200-тэн тахса олохтоох дьон дьиэлэрин сылытыаҕа. Санаттахха, бу иннинэ оттук оһоҕунан ититиллэрэ.
Сылааһы биэрэр ситим 4,3 км уһуннаах.
Хочуолунайга үс хочуол турар, Саха сирин хочуолу оҥорор тэрилтэтин оҥоһуктара.
Саҥа хочуолунай хоту дойду инфраструктуратын тупсарыы буоларын тэрилтэ генеральнай директора Максим Трофимов эттэ.
Хаартыска: «Теплоэнергосервис»
