Саха Өрөспүүбүлүкэтин Национальнай уус-уран музейа улуус, нэһилиэк музейдарын коллекцияларыгар хараллан сытар, биирдиилээн дьон нэһилиэстибэ гынан илдьэ сылдьар өбүгэлэрбит ааспыт 18-20-с үйэлэргэ олохторугар-дьаһахтарыгар туттубут малларын-салларын, таҥастарын-саптарын үйэтитэр, үөрэтэр сыаллаах «Раритеты Якутии» диэн научнай бырайыактаах.
Бу бырайыак автордара – А.Л.Габышева уонна Г.Г.Неустроева. Улуустартан куратордар үлэлэстилэр. Сунтаар улууһуттан кураторынан С.А.Зверев аатынан музей комплексын директора Д.К.Осипов үлэлэстэ.
Улуустааҕы музейдарга уонна биирдиилээн дьоҥҥо баар сэдэх экспонаттар хомулланнар, реставрациялананнар, национальнай музейга 10 ый устата дьон-сэргэ көрүүтүгэр турбуттара. Онтон бу бырайыак чэрчитинэн олус тупсаҕай оҥоһуулаах «Раритеты Якутии. Художественное наследие: Сунтарский улус» диэн альбом-каталог бэчээттэнэн таҕыста.
Россияҕа Литература сылын түмүктээн, Сунтаар улууһугар араас тэрээһиннэр бара тураллар. Ол чэрчитинэн бу кинигэ сүрэхтэниитэ буолла. Альбом-каталог Москва куоракка 1000 ахсаанынан бэчээттэннэ. Кинигэни улуус дьаһалтата үбүлээн таһаартарда.
This post was published on 12.02.2016 19:04 19:04