Норуоттар икки ардыларынааҕы кылаастаах спорт маастара Изабелла Борисова бэс ыйын 11 күнүгэр Соҕурууҥҥу Африкаҕа «Comrades» марафоҥҥа кытынна. Кини абсолютнайга 87 км. сүүрэн сүүрбэһис кэллэ, диэн СИА кэпсиир.
Аатырбыт «Comrades» тыһыынчанан экстремальнай сүүрүүнү таптааччылары хомуйда. Аҥардас Арассыыйаттан сүүс кэриҥэ киһи сүүрдэ.
Изабелла Борисова бары кыттааччылар ортолоруттан 20-с миэстэҕэ таҕыста. Кини 87,8 км уһуну 6 чаас 51 мүнүүтэ 40 сөкүүндэнэн сүүрдэ. Дьахталларга 800 кэриҥэ спортсмен күөн көрүстэ.
Былырыыҥҥы сүүрүү кыайыылааҕа Александра Морозова бу сырыыга 6 чаас 14 мүнүүтэ 33 сөкүүндэ буолан алтыс миэстэҕэ таҕыста. Пьедестал барыта ЮАР бэрэстэбиитэллэрэ буоллулар. Кыайыылааҕынан Африкаттан сылдьар Герда Стейн буолла, кини дистанцияны 5 чаас 44 мүнүүтэ 54 сөкүүндэнэн сүүрэн түмүктээтэ.
This post was published on 13.06.2023 10:03 10:03