Иркутскай-Дьокуускай почта суола төрүттэммитэ 275 сылыгар аналлаах эстафета кулун тутар 14 күнүгэр саҕаланар. Почта эстафетатын маршрута Иркутскайтан Ленскэй уонна Өлүөхүмэ нөҥүө Дьокуускайга тииийэҕэ.
Иркутскайга Качугка почтаны тиэрдии үөрүүлээхтик арыллыаҕа. Саха сирин Судаарыстыбаннай Мунньаҕын (Ил Түмэн) бэрэссэдээтэлин бастакы солбуйааччы Анатолий Добрянцев Иркутскайга почта дьааһыгын илдьиэҕэ, итини почта станциялара турбут муниципалитеттарыгар туттарыахтара уонна бэйэтин айанын Дьокуускайга муус устар 1 күнүгэр түмүктүөҕэ.
Кулун тутар 15 күнүгэр дьааһыгы Жигаловоҕа, кулун тутар 16 күнүгэр – Сурово сэлиэнньэтигэр, кулун утар 17 күнүгэр Уус Кукка тиксэриэхтэрэ. Кулун тутар 18 күнүгэр историческай почта Киренскэйгэ кэлиэҕэ, онтон Саха сирин сиригэр-уотугар ыытыллыаҕа.
Санатан эттэххэ, былырыын икки регион сиригэр-уотугар “Күн судаар дьаамсыктарын суолунан” научнай-чинчийэр этнографическай экспедиция ыытыллыбыта.
This post was published on 14.03.2018 15:27 15:27