Саха худуоһунньуга Мира Аргунова Иркутскайга Сукачев уһаайбатыгар «Всевидящее око» диэн ааттаах 80 үлэтин быыстапкаҕа туруорда. Мира Аргунова үлэлэрин уратыта диэн, бу хартыыналары сатаан көрбөт дьон көрөллөрүн гына оҥорбут.
Хас биирдии хартыына акрилтан оҥоһуллубут киэптээх, маны көрбөт дьон илиилэригэр ылан, имэрийэн, хартыынаны рельфетарынан көрүөхтэрин син, хас биирдии хартыына Брайль азбукатынан суруктаах. Экспозиция Арассыыйа араас норуоттарын култууратын билиһиннэрэр, этнографияны сырдатар.
«Всевидящее око» быыстапка Иркутскайга Саха сирин баһылыга Айсен Николаев өйөбүлүнэн тэрилиннэ.
This post was published on 21.09.2023 14:15 14:15