23 От ыйа 23.07
  • 18°
  • $ 87,78
  • 95,76

Ипотека 7 % буолуохтаах

21:15, 07 июня 2018
Текст:
Читайте нас на
Яндекс Новости
ЯДВ

РФ бэрэсидьиэнэ Владимир Путин быһа биэриитигэр эдэр ыал ипотека туһунан ыйытта. Манна сыһыаран, Владимир Владимирович бырабыыталыстыба таһаарбыт уурааҕар хайаатар да уларытыыны киллэриэххэ наадатын эттэ.

edersaas.ru

Бырабыыталыстыба ити таһаарбыт уурааҕар дьиэ кэргэн иккис, үһүс оҕолонноҕуна, ипотекаларын бырыһыанын 6% диэри түһэриэххэ сөбүн туһунан этиллэр. Ол эрээри манна төрдүс, бэһис, алтыс оҕоҕо диэн ыйыллыбатах, ол иһин билигин төрдүстэрин оҕоломмут ыал кыайан ипотека бырыһыанын кыччаппат балаһыанньалаах.
Владимир Владимирович боппуруоһу истэн баран: “Билинэбин, бырабыыталыстыба уурааҕар сыыһа этиллибит. Маны хайаатар да көннөрүөххэ наада. Иккис уонна онтон элбэх оҕолонноххо диэн суруллуохтаах. Манна, мин билигин ааҕыыбынан, 9 млрд солк. курдук эбии үбүлээһин наада. Ити нэһилиэнньэ ахсаанын элбэтиигэ улахана суох суума. Онон манна уларытыыны киллэриэхпит”, — диэн хоруйдаата.
Манна эбии быһа эфир кэмигэр бастакы вице-премьер-үп миниистирэ Антон Силуанов: “Ипотека бырыһыана билигин ортотунан 9,7 % буолан турар. Билигин нэһилиэнньэ сорох араҥатыгар бырыһыаны кыччатыы бара турар. Итинэн биһиги ипотеканан хас биирдии киһи туһанарын ситиһиэхтээхпит”, — диэн бэлиэтиир.
Антон Германович этиитигэр бэрэсидьиэн ипотека бырыһыана 7 % диэри түһүөхтээҕин, онно дьулуһуохха наадатын иһитиннэрдэ.

Аграфена КУЗЬМИНА, “Саха сирэ” хаһыат, edersaas.ru.

1

0
Следите за самым важным и интересным в Telegram-канале и WhatsApp-группе ЯСИА