Ахсынньы 10 уонна 11 күннэригэр Дьокуускай куорат «Модун» спортивнай комплексыгар СССР, РСФСР, САССР спордун маастара, Уус Алдан бочуоттаах олохтооҕо Иннокентий Халдеев кэриэһигэр хапсаҕайга өрөспүүбүлүкэтээҕи турнир буолан ааста, диэн uusaldan.ru телеграм-ханаал суруйар.
Иннокентий Андреевич Халдеев кэриэһигэр ыытыллыыбт хапсаҕай өрөспүүбүлүкэтээҕи турнирыгар регион араас муннуктарыттан эр дьоҥҥо уонна бэтэрээннэргэ 178 кыттааччы күөн көрүстэ.
Абсолютнай киирсиигэ 75 кг дылы ыйааһыннаахтарга Уус Алдантан Виталий Эспек кыайан, Халдеев үөрэппит оҕолоро туруорбут 100 тыһыынча солкуобай уу харчынан наҕараадаланна. Маны таһынан, кини турнир саамай кыраһыабай быраҕыытын оҥорон, Уус Алдан хапсаҕайга федерациятын салайааччытын Ермолаев Наум Наумович туруорбут 15 тыһыынча солкуобайынан наҕараадаланна.
75 кг үөһээ ыйааһыннаахтарга Намтан Кузьма Сивцев кыайан, «Интехстрой» тэрилтэ генеральнай дириэктэрэ Халдеев Андрей Иннокеньевич бирииһин 150 тыһыынча солкуобайы туттарда.
