Ойуһардаах историятыгар киирбит кэрэ-бэлиэ күнүнэн үс ини-бии Лаптевтар ааттарыгар Сквер тутулунна.
Иннокентий Семенович Лаптев хос сиэнэ Снежанна Винокурова 11-с кылааска үөрэнэ сылдьан улуус баһылыгар Е.М.Слепцовка эһэтин уонна кини бырааттарын Егор, Николай Лаптевтар ааттарыгар өйдөбүнньүк бэлиэ туруорар баҕа санаалааҕын кэпсээн өйөбүл ылбыта. Онон, олохтоох дьаһалта көмөтүнэн силигилии үүнэ турар хатыҥнар, мастар иннилэригэр үчүгэйкээн оҥоһуулаах Сквер тутулунна.
Снежанна Егор Семенович олоҕун, айар үлэтин, эһээтин Иннокентий Семенович, Николай Семенович тустарынан дьаныһан туран үөрэппитэ, Егор Семенович номохторун, хоһооннорун үгүс тэрээһиҥҥэ аахпыта.
Сквери үөрүүлээхтик аһыы кэмигэр үгүс эґэрдэ тыл этилиннэ, Николай Лаптев, Стас Бандеров, Василий Лаптев Егор Семенович Лаптев айбыт ырыаларын ыллаатылар.
