4 Кулун тутар 04.03
  • -28°
  • $ 91,35
  • 99,11

Индонезия «Азия оҕолоро» оонньууларга кыттар баҕалааҕын биллэрдэ

14:33, 29 ноября 2023
Текст:
Читайте нас на
Яндекс Новости
ЯДВ

«Азия оҕолоро» норуоттар ардыларынааҕы кэмитиэт президенэ Владимир Максимов Индонезия ыччат дьыалаларыгар уонна спортка миниистирэ Арио Бимо Нандито Ариотеджо кытта көрүстэ. Кэпсэтии видеоконференция сибээһинэн ыытылынна.

Өрүттэр сибээһи олохтуурга кэпсэттилэр. Бииргэ үлэлииргэ эттилэр. Индонезия сүүмэрдэммит хамаандата VIII «Азия оҕолоро» оонньууларга бэлэмнэниитин, кэмитиэт үөрэтэр бырайыактарыгар кыттыытын туһунан кэпсэттилэр.

Владимир Максимов ыччат уонна спорт сайдыытыгар анаммыт тэрээһиннэргэ бииргэ буолууну бөҕөргөтүү, инникитин Азия дойдуларын доҕордуу сыһыаннара туруктаах буолуутугар тириэрдэрин эттэ.

Индонезия Оонньууларга кыттарга бэлэмин эттэ. «Биһиги спортсменнарбыт комитет ыытар тэрээһиннэригэр кыттыылара өр кэмнээх доҕордуу сибээһи тутуоҕа, уопут атастаһыаҕа, спортка саҥаттан саҥа ситиһиилэри аҕалыаҕа», — диэтэ Арио Бимо Нандито Ариотеджо.

Санаттахха, Индонезия «Азия Оҕолоро» III, IV, V, VI оонньууларыгар кыттыбыта.

Следите за самым важным и интересным в Telegram-канале и WhatsApp-группе ЯСИА