Бэҕэһээ «Индигир Кубога» Спартакиада маҥнайгы күнүн түмүгүнэн остуол тенниһигэр бастыҥнар ааттаннылар.
Эр дьоҥҥо 1 м — Аллайыаха, 2 м — Муома, 3 м -Абый, дьахталларга Аллайыаха бастаата, Абый иккистээтэ, Муома үһүстээтэ.
Кубок муҥутуур кыайыылааҕынан Муома хамаандатын кыттыылааҕа Николай Слепцов буолла. Коля остуол тенниһинэн сэттэ сааһыттан дьарыктанар. Кинини аҕата Александр Васильевич эрчийэр. Манна даҕатан эттэххэ, бу ыал оҕолоро бары остуол тенниһинэн үлүһүйэн оонньууллар. Спортивнай дьиэ кэргэн өссө биир дьарыга — хайыһар. Уол билигин ХИФУ 4-с куурсун устудьуона. Үөрэҕин быыһыгар төрөөбүт оройуонун чиэһин көмүскүү сылдьар.
Урукку сылларга остуол тенниһигэр фавориттарынан аллайыахалар буолаллара, этэ. Ол эрэн бу сырыыга муомалар кыайдыбыт, суруйда @indigir_uottara
This post was published on 15.03.2023 10:08 10:08