Көҕүлээһин ис хоһооно Уһук Илин федеральнай уокурукка, ону тэҥэ Арассыыйа Арктическай зонатыгар баар муниципальнай тэриллиилэр олохтоох салайыныы уорганнарын үлэһиттэригэр чэпчэтиилээх кирэдьиит мэхэниисимин тарҕатыы буолар.
Бу этии Уһук хоту уонна өрөспүүбүлүкэ ыраах улуустарын уустук килиимэттээх усулуобуйаларыгар исписэлиистэри өйүүргэ туһуланар. Муниципальнай сулууспалаахтарга чэпчэтиилээх ипотеканы биэрии кинилэр олорор усулуобуйаларын тупсарыыга, олох хаачыстыбатын үрдэтиигэ уонна олохтоох салайыныы уорганнарын каадырын бөҕөргөтүүгэ көмөлөһүөҕэ.
«Уһук Илин ипотеката» бырагыраама 2019 сыл ахсынньытыгар саҕаламмыта. Кэлин «Арктическай ипотека» эбиллибитэ, онтон 2023 сыл бүтүүтүттэн бырагыраамалар биир «Уһук Илин уонна Арктика ипотека» диэҥҥэ холбоммуттара. Саха сирин парламенын этиитин Ил Түмэн дьокутааттара үксүлэрэ өйөөтүлэр.
