16 От ыйа 16.07
  • 16°
  • $ 87,81
  • 95,78

Ил Түмэн тыа сиригэр сис кэмитиэтин бэрэссэдээтэлэ Александр Атласов Намҥа сырытта

Читайте нас на
Яндекс Новости
ЯДВ

Тохсунньу 23-24 күннэригэр Саха Өрөспүүбүлүкэтин Ил Түмэнин тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Александр Атласов Нам улууһун баһылыгын 2023 сыллааҕы үлэтин отчуоттуур мунньахтарыгар Модут, Хатырык, 1 Хомустаах, Аппааны нэһилиэктэригэр кыттыыны ылла.

Александр Атласов Саха Өрөспүүбүлүкэтин Ил Түмэнин үлэтин, бу сыллааҕы бүддьүөтү ылыныыны билиһиннэрэн туран, тыа хаһаайыстыбатын министиэристибэтин бырагырааматынан дьиэлэри тутуу механизмын, кэнники сылларга «Эдэр ыаллары дьиэнэн хааччыйыы» бырагырааманан барар үлэ бытаарбыт төрүөтүн, потребительскай кэпэрэтииптэри, улахан тэриллиилээх хаһаайыстыбалары тэрийии көдьүүһүн быһаарда, өртөөһүн, ыт, балбаах туһунан сокуоннары кэпсээтэ. 

Сис кэмитиэт бэрэссэдээтэлэ Нам улууһугар оскуолалары уонна оҕо саадтарын тутуу былаанын билиһиннэрдэ. Ол курдук, Нам 2 №-дээх оскуолата, Түбэ нэһилиэгэр оскуола-саад тутуута былааннаналлар, Модут оскуолата бу сыл 4-с кыбаарталыгар үлэҕэ киириэхтээх, Хатырык, Кыһыл Дэриэбинэ оҕо саадтарын тутууларын үбэ толору көрүллүбүт. 

Александр Атласов киирбит ыйытыыларга тустаах эппиэттэри биэрэн, үгүс боппуруоһу болҕомтоҕо ылан, отчуокка кэлбит дьоҥҥо көхтөөх кыттыыларын иһин махтанна уонна үүммүт сылга үлэ-хамнас таһаарыылаах буоларын баҕарда. 

 Ил Түмэн пресс-сулууспата, @iltumen

Следите за самым важным и интересным в Telegram-канале и WhatsApp-группе ЯСИА