Ил Түмэн саайтыгар Ил Дархан муус устар 30 күнүгэр киллэрбит өрөспүүбүлүкэ Сүрүн сокуонугар уларытыыларын ырытыы бара турар. Уопсастыбаннай ырытыы ыам ыйын 21 күнүгэр Ил Түмэн судаарыстыбаннай тутул кэмитиэтин иһинэн аһаҕас көрүүнэн түмүктэниэ. Кэмитиэт мунньаҕын Ил Түмэн ютуб-ханаалыгар, саайтка быһа көрүөххэ сөп.
Билигин уопсастыбаннай ырытыыга ким баҕалаах кыттыан, санаатын этиэн сөп. Маныаха Ил Түмэн саайтыгар санаатын хаалларар.
Өрөспүүбүлүкэ сүрүн сокуонугар уларытыылар 2020 сыл кулун тутар 14 күнүгэр РФ Сүрүн сокуонугар киирбит уларытыыларга сөп түбэһиннэрэн киирэллэр.
This post was published on 13.05.2021 11:09 11:09