Айсен Николаев өрөспүүбүлүкэҕэ территориялар биир кэлим сайдыыларын бырайыактарыгар, «Звёзднай» уонна «Спортивнай» микрооройуоннарга анаммыт мунньах ыытта.
Ил Дархан тутуллар кыбаарталлар инженернай ситимнэргэ холбонууларын тиэмпэтин түргэтэтэргэ, суолун тутуутун билиҥҥи түһүмэҕин бүтэрэргэ уонна олорор дьиэлэр, социальнай эбийиэктэр тутуутларын кыраапыктарын тэҥинэн ыытары эттэ.
Кини бэлиэтээбитинэн, үлэ барыта хаачыстыбалаахтык уонна ыйыллыбыт кэмигэр түмүктэниэхтээх. Саҥа микрооройуоннар сайдыылара дьон олороругар табыгастаах уонна куттала суох буолуутун мэктиэлииллэрин санатта.
Сиһилии манна ааҕыҥ.
This post was published on 06.08.2025 10:38 10:38