16 Атырдьах ыйа 16.08
  • 13°
  • $ 61,37
  • 62,51

Ил Дархан ыччакка анаммыт кэс тыллаах капсуланы үүнэр көлүөнэҕэ туттарда

Саха сирин баһылыга Айсен Николаев, өрөспүүбүлүкэ ыччатын бэрэстэбиитэллэрэ бэйэлэрин кэскилгэ эрэллэрин уонна ыра санааларын суруйдулар. Кэс тыллардаах кэм капсулатын кэлэр көлүөнэҕэ туттардылар, суруйар СИА.

«Триумф» кииҥҥэ өрөспүүбүлүкэ 100 сылыгар анаммыт дьоһуннаах тэрээһин бэҕэһээ ыытылынна. Култуура тэрилтэлэрин 1700 бэрэстэбиитэлэ киэҥ хабааннаах чаҕылхай театрализованнай көрдөрүү туруордулар, ааспыты уонна кэлэр кэми хоһулуу тутан хоһуйдулар.

Тэрээһин саамай долгутуулаах түгэнинэн кэс тыллардаах кэм капсулатын үүнэр көлүөнэҕэ тириэрдии буолла. Саха сирин баһылыга Айсен Николаев капсулаҕа саха норуотун Бэлиэтин хомуһу укта. 36 оройуон уонна куорат уокуруктарын ыччатын бэрэстэбиитэллэрэ ыра санааларын, олох сайдыытыгар баҕа санааларын суруйдулар.

Саха сирин 100 сылын бэлиэтээн, Чочур Мырааҥҥа Эллэй статуята туруоруллар. Кини илиитигэр күөрэччи туппут чороонугар кэм капсулата угуллан, үйэ устата хараллан сытыаҕа.

Хаартыска: Мария Васильева, СИА

Следите за самым важным и интересным в Telegram-канале и WhatsApp-группе ЯСИА
0
0