Саха сирин баһылыга Айсен Николаев муниципальнай оройуоннар тыа хаһаайыстыбатын салаатыгар боломуочуйаларын кэҥэтэр туһунан эттэ. Ил Дархан бүгүн Ил Түмэҥҥэ мунньахтыыр. 2023 сыллааҕы судаарыстыбаннай былаас толоруулаах уорганын отчуотун парламентарийдарга иһитиннэрэр.
Айсен Николаев эппитинэн, тыа хаһаайыстыбатын салаатыгар хаачыстыбалаах уларытыылары киллэриигэ саҥа механизмнар баар буолуохтарын наада. Маны сэргэ суһаллык тэрээһин боппуруостарын ылынартан эмиэ элбэх тутулуктааҕын эттэ.
Сыллааҕы субвенция харчытын үллэриигэ тыа хаһаайыстыбатыгар субсидия ыстаапкатын бигэргэтии боломуочуйатын былаас толорор уорганын таһымыгар биэрэр туһунан баһылык эттэ. Холобурга таба иитиитин аҕалла. «Оройуон таһымыгар боломуочуйа бэриллибитигэр үбүлээһини тиксэрии икки ый эрдэлээбитэ», — диэтэ Айсен Николаев.
«Маны сэргэ, оройуоттар үбү таһаарыылаахтык туталларын туһуттан, тыа хаһаайыстыбатыгар инникилээн тутар хайысхаларын үбүлээһиннэрин бэйэлэрэ быһааралларыгар. Бу туһунан элбэх баһылык этэр, оҥорон таһаарыы түмүгүн эппиэтинэһин бэйэлэригэр ыларга бэлэмнэр. Мин маны сөптөөх дьаһал дии саныыбын уонна депутаттар бу көҕүлээһини өйүүргүтүгэр этэбин», — диэтэ регион баһылыга.
This post was published on 13.06.2024 12:33 12:33