Ил Дархан фроҥҥа көмөлөрүн иһин махтанна уонна РФ сэбилэниилээх күүстэрин өйүүр үлэни күүһүрдэргэ этиилэри иһиттэ.
«Анал байыаннай дьайыыга кыттар уонна госпиталларга эмтэниини ааһар байыаннай сулууспалаахтар төрөппүттэрэ бииргэ түмүстүгүт, уолаттарбытыгар көмө буолаары. Бу олус сыаналанар. Эһиги өйөбүлгүт олус суолталаах, саллааттарбыт санааларын өрө көтөҕөр, Кыайыыны чугаһатар», — диэтэ Айсен Николаев.
Светлана Диодорова-Лаврентьеванан сирэйдээн байыастар чугас дьонноругар архыыптарга анаан докумуоннары хомуйууга уонна харайыыга кытталларыгар баһылык махтанна.
«Байыастар төрөппүттэрэ патриотическай иитиигэ улахан үлэни ыыталлар. Национальнай бибилэтиэкэҕэ куруук «СВОи родные» быыстапка үлэлиир, Аҕа дойду геройдарыгар анаммыт – саллааттарга, медиктарга, анал байыаннай дьайыы волонтердарыгар», — диэтэ ийэ.
Байыастар ийэлэригэр психологтар көмөлөрүн туһунан эмиэ кэпсэттилэр.
Санаттахха, Саха сириттэн анал байыаннай дьайыыга кыттыы туһунан докумуоннары хомуйуу бара турар, архыыпка харайыыга. Маннык сөбүлэҥи култуура министиэристибэтэ, өрөспүүбүлүкэ национальнай архыыба, Донбасска көмө уонна өйөбүл Хотугулуу-Илиҥҥи пуондата, «За Отечество» Саха сирин бойобуой дьайыы бэтэрээннэрин ассоциацията, ДОСААФ регионнааҕы салаата кыттыһан оҥордулар.
This post was published on 07.02.2025 12:07 12:07