19 От ыйа 19.07
  • 21°
  • $ 87,88
  • 96,1

Ил Дархан СВО-ҕа сырдык тыыннара быстыбыт байыастар саамай чугас дьоннорун кытта көрүстэ

09:24, 13 февраля
Текст:
Хаартыска: ЯСИА саайта
Читайте нас на
Яндекс Новости
ЯДВ

Саха сирин баһылыга Айсен Николаев бэнидиэнньиккэ анал байыаннай дьайыыга сырдык тыына быстыбыт байыас кэргэнэ Ефросиния Ноговицынаны уонна охсуһуу толоонугар охтубут буойуттар ийэлэрэ Маргарита Кошкареваны уонна Альбина Винокурованы кытта көрүстэ.

«Биһиги, билигин биһиги аттыбытыгар суох буолбут дьоммутун санаатыбыт, билигин СВО кыттыылаахтарын дьиэ кэргэттэригэр баар кыһалҕалары кэпсэттибит. Төлөбүрдэр, биэнсийэ ананыытын, олорор дьиэнэн көмө туһунан кэпсэттибит. Биһиги кылгас болдьох иһигэр геройдарбыт дьиэ кэргэттэрин боппуруостарын быһаарыахтаахпыт, сарсыҥҥы күҥҥэ эрэллэрин, харысхаллаах буолууларын хааччыйыахтаахпыт. Күүстээх санаалаах кэргэттэр, ийэлэр, төһө да ыарыылааҕын иһин, геройдар тустарынан өйдөбүл хааларын туһугар элбэҕи оҥороллор. Кинилэринэн сирэйдээн хас биирдии сырдык тыына быстыбыт байыас ийэтигэр, кэргэнигэр, дьиэ кэргэнигэр кинилэр тулуурдарыгар, киэҥ көҕүстэригэр махтанабын. Биһиги куруук эһигини кытта бииргэ буолуохпут, хас биирдии дойду инникитин иһин олоҕун толук уурбут буойун туһунан сырдык өйдөбүл куруук тыыннаах буоларыгар туруулаһыахпыт», — диэн суруйда телеграм-ханаалыгар Айсен Николаев.

Айсен Николаев бэлиэтээбитинэн, биһиги эбээһинэспит — хас биирдии байыас сырдык аата үйэлэргэ умнуллубатыгар. «Кинилэр олохтон барыылара — улахан кутурҕан барыбытыгар. Ордук ыарахан, биллэн турар, саамай чугас дьонноругар. Өлбүт геройдар дьиэ кэргэттэрин кытта көрсөн, кинилэр аһыыларын тэҥҥэ үллэстэрим — мин ытык иэһим», — диэтэ баһылык.

Следите за самым важным и интересным в Telegram-канале и WhatsApp-группе ЯСИА