25 Ыам ыйа 25.05
  • -7°
  • $ 104,68
  • 115,6

Ил Дархан Сунтаар улууһун баахтабай бөһүөлэгэр харантыыны уһатары эттэ

Балаһыанньа уустук. Ааспыт сууккаҕа COVID-19 ыалдьыбыт 29 киһи эбилиннэ. Дьаҥ тарҕаныаҕыттан Саха сиригэр барыта 311 киһи ыарыйда.


29 саҥа ыалдьыбыттартан Дьокуускайга — 16. 12 — Сунтаардааҕы баахтабай бөһүөлэк суолу тутааччылара. Онно оһуобай дьаһалга диэри харантыын уһаата. Биир түбэлтэ Мэҥэ Хаҥалас улууһугар дембеллэнэн кэлбит саллаат дьиэ кэргэнигэр таҕыста.

Дьокуускай куоракка ыалдьыбыттар барыта харах балыыһатын кытта сибээстээхтэр. Манна 56 түбэлтэ таҕыста (алтыспыттары киллэрэн туран). Ыарыы салгыы тэнийбэтигэр миэрэлэр ылыллаллар.

Чайыҥдаҕа үлэ салҕанар. Доруобай вахтовиктары Уфаҕа илтилэр, икки рейс оҥоһулунна. ЫБММ мобильнай госпитала үлэлиир. Россия бырабыыталыстыбатын уонна Саха сирин суһал штабын хонтуруолугар тутуллар.

Следите за самым важным и интересным в Telegram-канале и WhatsApp-группе ЯСИА
0
0
Тутаах тыллар