Ил Дархан Айсен Николаев «РусГидро» ПАУо генеральнай дириэктэрин бастакы солбуйааччы Роман Бердниковы кытта көрүстэ. Ол туһунан «Саха сирэ» саайт суруйар.
«Биһиги бииргэ үлэлээһиммит өрөспүүбүлүкэ энергетическэй комплексын үлэтин бигэтик хааччыйарыгар уонна энергетическэй инфраструктураны сайыннарыыга көмөлөһөрүгэр эрэнэбин», — диэтэ Айсен Николаев.
Маны сэргэ, Нерюнгри куораты сайыннарыы маастар-былааныгар көрүллүбүт Нерюнгритааҕы ГРЭС саҥардыллан оҥоһуллуутун туһунан дьүүллэстилэр.
Оробуочай көрсүһүүгэ Саха сирин энэргиэтикэтин сайыннарыыга туһуламмыт холбоһуктаах бырайыактары олоххо киллэрии боппуруостара көтөҕүлүннүлэр.
This post was published on 14.08.2024 12:38 12:38