Россия президенэ Мурманскайга VI норуоттар ардыларынааҕы арктическай пуорум пленарнай мунньаҕар кытынна. Кини Арктика сайдыытыгар сүрүн соруктары туруорда. Ил Дархан Айсен Николаев иһитиннэрбитинэн, кылаабынай бэлиэтээһин — суверенитет уонна дойду национальнай интэриэстэрин көмүскээһин, макрорегион социальнай-экономическай уонна транспортнай-логистическай сайдыыта, наука чинчийиилэрин сайдыыта, биосфера тыыннаах материятын харыстааһын, килиимэти үөрэтии, элбэх сыллаах ирбэт тоҥу мониториннааһын, ураты айылҕаны харыстааһын.
«Олох хаачыстыбата үрдүүрүгэр, Арктиканы сайыннарыыга национальнай бырайыактарга туспа строкананан Арктика сайдыытыгар анаммыт хайысхалар чопчуланыахтаахтар. Түргэнник, быһаарыылаахтык Арктика нэһилиэнньэлээх пууннарын олохторун тупсарыыга үлэ барыахтаах. Доруобуйа харыстабыла, үөрэх, транспортнай инфраструктура сайдыыларыгар күүскэ ылсыллыахтаах. Арктика олохтооҕун олоҕо тупсуохтаах, үүнэн-сайдан иһиэхтээх. Ол туһунан президеммит үлэ соруктарын туруорда», — диэтэ Айсен Николаев, пленарнай мунньах түмүгүн кэпсииригэр.
Сиһилии манна аах.
This post was published on 28.03.2025 12:02 12:02