Бэс ыйын 5 күнүгэр Ил Дархан Айсен Николаев Россиятааҕы үөрэнээччилэр олимпиадаларын кыайыылаахтарын уонна призердарын эҕэрдэлээтэ. Быйыл үс оҕо кыайыылаах, сэттэ оҕо призер буоллулар. Кинилэргэ 500 тыһ солк уонна 100 тыһ солк, туһааннааҕынан, харчынан бириэмийэ туттарылынна, суруйар ЯСИА.
Саха сирин үөрэнээччилэрэ Россияҕа бастыҥ буоллулар английскай, китайскай тылларга, обществознаниеҕа, физическай култуураҕа уонна французскай тылга.
«Бүтэһик 15 сылга бастыҥ көрдөрүү. Федеральнай рейтиҥҥэ Саха сирэ 72-с миэстэттэн 24-кэ таҕыста. Физическай култуураҕа үс кыайыы баар. ХИФУ анал үөрэнэр-научнай киинин 10 кылааһын үөрэнээччитэ Максим Евсеев икки диплома бэлиэ буолар. Кини французскай уонна английскай тылларга призер буолла», — диэтэ Айсен Николаев.
Сылын аайы Россияҕа үөрэнээччилэргэ олимпиада 24 предмеккэ ыытыллар, 7 мөл оҕону кытыннарар.
This post was published on 06.06.2025 11:03 11:03