Саха сирин баһылыга Айсен Николаев регион тустаах биэдэмистибэлэригэр саҥа үөрэх дьылыттан оскуолаларга медицина кабинеттарын уонна быраастары төнүннэрэр туһунан сорудах биэрдэ. Ол туһунан ЯСИА Ил Дархан Ил Түмэҥҥэ туһаайыытын кэмигэр суруйда.
«Оскуола медицинатын сайыннарыахха наада, кэмэ кэллэ. Доруобуйа харыстабылын уонна үөрэх министиэристибэлэригэр кэлэр үөрэх дьылыттан оскуолаларга медицина үлэһиттэрин төнүннэрэргитигэр соруйабын», — диэтэ Айсен Николаев.
Ил Дархан региоҥҥа доруобуйа харыстабылын систиэмэтэ салгыы медицина көмөтүн оҥорууга суолу сайыннаран иһэрин бэлиэтээтэ, ол иһигэр үүнэр көлүөнэ доруобуйатын харыстааһыҥҥа.
This post was published on 19.12.2024 13:26 13:26