Тыа сирин суоллара, гааһынан хааччыллыылара, социальнай эбийиэктэр тутуулара хаачыстыбалаах буолуохтаах. Саха сирин оройуоннарын сайыннарыы — бүгүҥҥү күҥҥэ биир сүрүн соругунан буоларын НВК «Саха» ханаалыгар «Ил Дарханныын кэпсэтии» биэриигэ Айсен Николаев эттэ.
«Тыа сирин сайыннарыы — сүрүн хайысха буолар. Ааспыт кэмнэргэ олорон хаалыы баара бэлиэтэнэн, үгүс эйгэ көрдөрүүлэрэ түспүттэрэ. Кэнники сылларга үчүгэй өттүгэр хамсааһын баар — ыччат фермерскэй хаһаайыстыбалары тэринэр, бу улуустар инники сайдыыларын кытта ыкса сибээстээх. АПК боппуруостарыгар дьүүллэһиилэр билигин да ыытыллаллар, элбэх этии киирэр, фермердэри, салайааччылары, министиэристибэлэри кытта тус көрсөн кэпсэтэбин. Тыа хаһаайыстыбатынан дьарыктаныы бу эйгэҕэ үлэлиир дьоҥҥо барыстаах буоларын курдук ханнык механизмнары киллэрэрбитин быһаарсабыт», — диэтэ Айсен Николаев.
АПК-ны саҥа таһымҥа таһаарыы тутаҕын, миэстэтигэр инфраструктураны тэрийии, социальнай эбийиэктэри тутуу, гааһынан хааччыйыы, тупсарыныы барыахтааҕын кини бэлиэтээтэ.
«Хотугу улуустартан дьон көһүүтүн тохтотуохтаахпыт, социальнай сайдыыларын быһаарыахтаахпыт, Арктикаҕа дьоһуннаах олоҕу хааччыйыахтаахпыт«, — диэн түмүктээтэ Ил Дархан.
This post was published on 13.09.2019 10:07 10:07