Ил Дархан «Үлэ киһитэ» бириэмийэтигэр 300-тэн тахса сайаапка киирдэ

Хаартыска: ЯСИА саайта

Өрөспүүбүлүкэ тэрилтэлэрэ министиэристибэлэригэр уонна биэдэмистибэлэригэр Ил Дархан «Үлэ киһитэ» куонкурсугар анаан 315 сайаапканы ыыттылар. Олортон, критерий ирдэбиллэринэн туолбут,  107 сайаапка хомулунна. Ол туһунан регион салалтатын пресс-сулууспата суруйда.
Сүрүн критерийдарынан буолаллар:
  1.  Отчуоттуур сыл түмүгүнэн үлэтигэр ситиһиилэрэ;
  2. Үлэҕэ новаторскай идея уонна айымньылаах сыһыан;
  3. Үлэҕэ уопута уонна (эбэтэр) эдэр исписэлиистэргэ настаабынньыктааһын.

Иккис түһүмэҕи ааспыттар, бырабыыталыстыба хамыыһыйатын көрүүтүгэр киирэллэр. Түмүккэ 50 киһи бириэмийэ ылар.

Бириэмийэ кээмэйэ 300 тыһыынча солк. Туттарыыта — ыам ыйын 1 күнүгэр — Үлэ бырааһынньыгын көрсө.

Тэрээһин үһүс сылын ыытыллар. Ааспыт икки сылга 100 бастыҥ үлэһит бириэмийэ тутта.

This post was published on 02.04.2025 14:19 14:19