Алексей Чекунков бэлиэтээбитинэн, түһүмэхтэринэн тириэрдии саҥа модела киирэр – баар мэхэньиисимнэргэ технологичнай өттүн эбии киллэрэн биэрэллэр. Быйыл кыһын бары нэһилиэнньэлээх пууннар оттугунан хааччыллыбыттар, ол аата, сылаас. Хоту таһаҕаһы таһыыга ордук суолталаахтарын бэлиэтээн, хааччыйыы эрэллээх буолбут.
Тириэрдии эрэллээх уонна тэтимнээх буоларын туһугар 2026-2028 сс. хоту таһаҕаһы таһыы былаанын бигэргэппиттэр. Таһаҕаһы таһыыга кыттааччылар хамсаныылара “Хотугу таһыы” ФГИС сыыппара платформатын нөҥүө барар, бастакы модуль олоххо киирбит.
Бу сылга бүддьүөт кирэдьиитин туһанан хоту таһаҕаһы тириэрдии үбүлээһинин кээмэйэ үс төгүл үрдүөҕэ. Былырыын манна анаан 10,2 млрд. солк. тахса үп көрүллүбүтэ.
Бу туһунан Ил Дархан уонна Бырабыыталыстыба пресс-сулууспата суруйар.
This post was published on 15.01.2026 16:11 16:11