Ил Дархан Айсен Николаев Ил Түмэҥҥэ 2024 сыллааҕы судаарыстыбаннай былаас үлэтин отчуотун оҥороругар үлэтэ суох буолуу уонна дьадайыы таһыма кыччаабытын эттэ. Кини хамнас үрдүүрүн хааччыйыыга соругу туруорда. Баһылык этиитин идэлээх союзтар федерацияларын бэрэссэдээтэлэ Николай Дегтярев комментарийдаата.
«Ааспыт сыллааҕы бюджет төһө да ыарахаттардааҕын иһин, хамнас алын кээмэйэ 18,5% индексацияланна. Дьадайыы таһыма кыччаан иһэр. Сорук бу хайысхаҕа улахан, дьадайыы чааһыгар үлэлиир дьон эмиэ хабыллаллар. Онон биһиги оһуобай хонтуруолбутугар дойду президенин ыам ыйынааҕы ыйаахтарын толоруу турар.
Өрөспүүбүлүкэ баһылыга хамнаһы үрдэтиигэ соругу туруорбута сөптөөх. Сыана улаатар, бородууктаҕа, табаарга, өҥөнү оҥорууга, хомунаалынай өҥөҕө. Маны сэргэ соруктарга — кэһиллибит дифференциацияны чөлүгэр түһэрии бюджет эйгэтин үлэһиттэригэр турар. Маны биһиги бырабыыталыстыбаны кытта быһаарыахтаахпыт», – диэтэ Николай Дегтярев.
This post was published on 10.06.2025 17:23 17:23