Ил Дархан Айсен Николаев Чуумпу акыйаан флотун муора пехотатын биригээдэтин стрелковай батальонун хамандыыра, «Время героев» бырагыраама бастакы түһүмэҕин кыттааччыта Сергей Прокловы кытта көрүстэ. Ол туһунан регион салалтатын пресс-сулууспата суруйда.
Сергей Проклов Уһук Илиннээҕи үрдүкү байыаннай училищены бүтэрбит. «Эр санаа» уордьанынан, «Суворов» уонна «За храбрость» II степеннээх мэтээллэринэн наҕараадаламмыт.
Айсен Николаев Сергейга үөрэҕэр, салгыы үлэтигэр ситиһиилэри баҕарда. Ил Дархан хорсун, эр санаалаах, тулуурдаах киһи дойду сайдыытыгар элбэх туһаны аҕаларыгар эрэллээҕин эттэ.
«Время Героев» бырагырааманан Сергей Проклов Уһук Илини уонна Арктиканы сайыннарыыга министиэристибэҕэ стажировка ааста. Кини настаабынньыгынан миниистир Алексей Чекунков буолла.
«Время героев» бырагыраама Россия президенэ Владимир Путин көҕүлээһининэн президент академиятын судаарыстыбаннай салайыытын Үрдүкү оскуолатыгар ыытыллар.
This post was published on 22.01.2025 12:07 12:07