Айсен Николаев Лев Павловы уонна Андрей Мидловеһы кытта көрүстэ. Тустууктар бу күннэргэ Сербияттан Дьокуускайга Европа чемпионатыттан кыһыл көмүс мэтээллээх кэллилэр.
«Саха сирин көҥүл тустуутун историятыгар аан бастакытын эдэрдэргэ Европа чемпионатыттан икки кыһыл көмүс мэтээл кэллэ! Бэҕэһээ биһиги геройдарбыт төрөөбүт өрөспүүбүлүкэлэригэр төнүннүлэр. Мин кинилэри үөрэ-көтө эҕэрдэлээтим уонна наҕараада туттардым.
Лев уонна Андрей — Россия сүүмэрдэммит эдэрдэргэ хамаандатын лидердара. Кинилэр кыайыыга хайдах тиийбиттэрин, туох көмөлөспүтүн, кыайыыны билэн баран бастакы санаалырын тустарынан кэпсээтилэр. Биллэн турар, тренердэригэр махтаналлар, дьиэ кэргэттэригэр, өйөөбүт дьонноругар», — диэн суруйда баһылык телеграм-ханаалыгар.
Айсен Николаев спортсменнарга өрөспүүбүлүкэттэн 600-түү тыһ солк, тустуу Федерациятын аатыттан 150-нуу тыһ солк туттарда.
This post was published on 11.07.2024 14:31 14:31