14 От ыйа 14.07
  • 21°
  • $ 87,74
  • 95,76

Ил Дархан Егор Борисов: Россия курдук улахан дойдуну салайыы – улахан эппиэтинэс

20:27, 07 мая 2018
Текст:
Читайте нас на
Яндекс Новости
ЯДВ

Ил Дархан Егор Борисов Москваҕа Владимир Путин инаугурациятыгар сырытта. “Аан дойдуга саамай улахан дойдуну салайыы – сыралаах үлэ уонна улахан эппиэтинэс”, — диэн бэлиэтиир кини.

“Биһиги бүгүн историяҕа хаалар дьоһун күн туоһулара буоллубут. Россия курдук улахан дойдуну салайыы – сыралаах үлэ уонна улахан эппиэтинэс. Владимир Владимирович бэйэтэ эппитин курдук, бар дьонугар, дойдутугар сулууспалааһын – кини олоҕун оҥкула. Киниэхэ чэгиэн буолууну, доруобуйаны, күүһү-уоҕу, ситиһиини баҕарабын. Россия историятыгар араас халбаҥнааһын да, революция да баар. Ол эрээри хас биирдии киһиэхэ бигэ туруктаах дойдуга олоруу, сайдыы инники күөҥҥэ турара. Владимир Путин тирээн турар ханнык баҕарар кыһалҕаны туох да сүпсүлгэнэ, улахан айдаана, күүркэтиитэ суох быһаарыахха сөбүн дакаастаата. Кини былааһы, уопсастыбаны, бизнеһи биир санааҕа аҕалла, биир улахан айан суолугар киллэрдэ. Россия олохтоохторо киниэхэ итэҕэйдилэр, эрэннилэр, кинини өйүүүллэр, өйдүүллэр уонна батыһаллар. Россия бүгүҥҥү күүһэ итиннэ сытар,” – диэн бэлиэтиир Егор Афанасьевич бэйэтин “Инстаграмыгар”.

Следите за самым важным и интересным в Telegram-канале и WhatsApp-группе ЯСИА