«Сиэрдээх Арассыыйа» баартыйа Мииринэйдээҕи салаатын бэрэссэдээтэлэ, оройуон сэбиэтин дьокутаата Владимир Богданов бүгүн, от ыйын 3 күнүгэр Ил Дархан быыбарыгар алтыс хандьыдаатынан туруорунна.
«Мин өрөспүүбүлүкэ промышленнай оройуоннарыгар 30% куолаһы ыламмын, иккис миэстэҕэ тахсар былааннаахпын», — диир Владимир Богданов.
«Кыайар түгэммэр, бастатан туран, ОДьКХ өҥөтүгэр төлөбүр боппуруоһун көрүөм. Дьон олоҕун чэпчэтэргэ саамай судургу ньыма. Ону кытта, Саха сиригэр экология боппуруоһа сытыытык турар. Экологиянан бүгүн дьарыктамматахпытына, сарсын хойутуубут. Бу хайысхаҕа үлэҕэ нэһилиэнньэни уонна сир баайын туһанааччылары кытта быһаччы үлэни эрэйэр. Федеральнай киини кытта биэнсийэ реформатын быһаарсыахха наада», — диэн хандьыдаат тоһоҕолоон этэр.
Владимир Богданов 2016 сыллаахтан «Сиэрдээх Арассыыйа» баартыйа Мииринэйдээҕи салаатын бэрэссэдээтэлинэн үлэлиир. 2013 сыллаахтан — оройуон сэбиэтин дьокутаата.
Санатан эттэххэ, Ил Дарханы болдьох иннинээҕи быыбардааһын быйыл балаҕан ыйын 9 күнүгэр буолуоҕа. Киин быыбардыыр хамыыһыйаҕа докумуоннарын түөрт хандьыдаат туттарда: РЛДП баартыйа Саха сиринээҕи салаатын салайааччыта Гаврил Парахин, Нерюнгри оройуоннааҕы сэбиэтин дьокутаата Александр Силин, РФКП баартыйа Саха сиринээҕи салаатын салайааччыта Виктор Губарев, «Родина» баартыйаттан Алексей Лаптев уонна Ил Дархан э.т. Айсен Николаев.
СИА.
