Саха сиригэр бүтэһик биэс сылга доруобуйа харыстабылын эйгэтигэр муҥутуур элбэх эбийиэк тутулунна. Сотору кэминэн онкология диспансера үлэҕэ киириэҕэ. Бу Уһук Илин региоҥҥа саамай бөдөҥ тутуу буолар.
Саҥа аныгылыы эбийиэктэр тутуулара «Доруобуйа харыстабыла» национальнай бырайыагынан тутуллаллар, бу дьаһал кэлэр сылларга салҕаныаҕа. Ол туһунан Ил Дархан Айсен Николаев эттэ.
««Доруобуйа харыстабыла» нацбырайыак өрөспүүбүлүкэҕэ тэтимнээхтик үлэлииринэн элбэх киин тутулунна, Дьокуускайга уонна улуустарга. Биэс сылга икки бөдөҥ балыыһа комплекса үлэҕэ киирдэ. Быйыл өссө хас да эбийиэги арыйыахпыт. Саамай сүрүнэ, бырагыраама салҕанар», — диэтэ Айсен Николаев.
Санаттахха, нацбырайыагынан ааспыт сылга Дьокуускайга аныгылыы сүрэх-тымыр киинэ үлэҕэ киирбитэ, билигин дойду экспертэрин үрдүк сыанабылын ылла. Региоҥҥа икки улууска киин балыыһа, 65 амбулатория уонна фельдшер-акушер пууна арылыннылар. Өрөспүүбүлүкэ былааһа медицина тэрилтэлэрин тутууга тиэмпэни түһэрбэт курдук тэрээһиннэри ыыталлар.
This post was published on 29.05.2023 09:31 09:31