15 От ыйа 15.07
  • 18°
  • $ 87,74
  • 95,76

Ил Дархан: Былатыан Ойуунускай талаанын автономияны олохтуурга анаабыта

Читайте нас на
Яндекс Новости
ЯДВ

Саха АССР 100 сылыгар анаммыт күҥҥэ регион баһылыга Айсен Николаев судаарыстыбаннай уонна политическай деятель Былатыан Ойуунускай пааматынньыгар тыыннаах сибэкки уурда. Ол туһунан өрөспүүбүлүкэ сүрүн пресс-сулууспата иһитиннэрдэ. 

“Бүгүн биһиги өрөспүүбүлүкэбитигэр улуу бырааһынньык. 100 сыл анараа өттүгэр Саха автономията олохтоммута. Бүгүн биһиги автономияны төрүттээччилэргэ махтанабыт. Кинилэр ортолоругар Платон Ойуунускай баар. Кини бэйэтин талаанын автономияны олохтуурга, саха норуота үөрэхтээх буолуутугар, култуураҕа анаабыта. Бүгүн маны аан дойду барыта билэр. Мин эһигини кытта Былатыан Ойуунускай ыра санаата туолар кэмигэр үлэлиирбиттэн үөрэбин. Кини өссө 95 сыл анараа өттүгэр «Сүүс сыллаах улуу былаан» хоһоонугар эппит баҕа санаата туолар. Кэскили көрүөхтээхпит, үлэлиэхтээхпит, ыра санаалаах буолуохтаахпыт, айыахтаахпыт-тутуохтаахпыт, улуу дойдубутун кытта биир хамаанданан. Оччоҕуна биһиги сиэннэрбит, хос сиэннэрбит биһигинэн киэн туттуохтара уонна саҥаттан саҥа ыра санааларын олоххо киллэриэхтэрэ ”, – диэтэ Айсен Николаев.
Үөрүүлээх тэрээһиҥҥэ СӨ судаарыстыбаннай сүбэһитэ Андрей Борисов, Ил Түмэн бэрэссэдээтэлин бастакы солбуйааччыта Александр Жирков, бырабыыталыстыба чилиэттэрэ, норуот депутаттара, тэрилтэлэр салайааччылара, уопсастыбаннас, ыччат кыттыыны ылла.
Следите за самым важным и интересным в Telegram-канале и WhatsApp-группе ЯСИА