Ил Дархан Айсен Николаев коронавирус балаһыанньатынан хааччахтыыр миэрэлэри сымнатыыга анаммыт өрөспүүбүлүкэ олохтоохторугар ыҥырыытыгар, региоҥҥа быйыл оскуоланы бүтэрээччилэргэ хас биирдиилэригэр 5000 солк көрүллэрин туһунан эттэ.
«Маннык экстремальнай усулуобуйаҕа улахан олоххо бастакы хардыыларын оҥорор биһиги оҕолорбутун өйүүр сыалтан, 2020 сылга оскуоланы бүтэрээччи аҕыс тыһыынча оҕоҕо хас биирдиилэригэр 5000 солк көрөр туһунан быһаарыы ылылынна. Бу кыра да буоллар өйөбүл кинилэргэ болҕомто буоллун», — диэн Айсен Николаев «Якутия 24» телеханаалга эттэ.
Кини судаарыстыба оҕолор биир кэлим эксээмэни туттарыыларыгар эпидемия мэһэйдээбэтигэр туох баар кыаллары оҥорорун эттэ.
This post was published on 12.06.2020 12:01 12:01